درابين العراق


 
الرئيسيةالبوابةاليوميةمكتبة الصورالتسجيلس .و .جبحـثقائمة الاعضاءالمجموعاتدخول

شاطر | 
 

 الدولمه العراقيه بالصور

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اهات
عضو ماسي


ذكر عدد الرسائل : 37
شنو شغلك : حديقه
مزاجك اليوم شنو بس لا جاي هداد : ايخبل
تاريخ التسجيل : 30/01/2009

مُساهمةموضوع: الدولمه العراقيه بالصور   الأحد أبريل 26, 2015 2:37 pm

السلام عليكم ورحمة الله وبركاتة

بتويتر لقيت هالصوره ومكتوب عليها الدولمه العراقيه



أصندمت 
حسيتها قنابل موقوته مو دولمه طريقتها غلطXغلط
حتى ناقصها الكثير من المكونات


المهم 
اليوم قررنا أني وأختي نسويها وننشرها 
حتى الناس تعرف شلون تسوي الدولمه العراقيه


مكونات الحشوه:
-تمن (رز) منقوع بالماي قبل قبل ساعه من تحضير ألأكله
-لحم مفروم
-بصل
-ثوم
-شويت (شبث)
-طماطه
-بهارات
-فلفل أسود
-كركم
-ملح
-ليمون دوزي (ملح الليمون)
-سماق

.................................................. .....
الخضروات اللازمه لعمل الأكله:
-سلق
-ورق عنب
-بيتنجان
-شجر (كوسه)
فلفل أخضر
-بصل
-طماطه
-باقله(باقلاء)




جاهزين لطريقه العمل 

يلا نبدأ
أول خطوه 

نسلق الباقله


ثاني خطوه نجيب البصل ونسوي بهالطريقه





الخضروات بعد ما نحفرها بهذه الطريقه نغسله



نجيب جدر(قدر) الدولمه ونخلي بيها شويه زيت 
ونحط بيها الخضروات علمود نحمسهن شويه وتذبل





هذا السلق نغسله بعد ما نقطع عنه الساق ونجيب ماي السلق
الي سلقنا بيه الباقلاء والبصل وهو مغلي نكبه فوقه






هذا الحشو بصل مقطع مربعات معاه
شويه لحم مفروم وكركم وبهارات وفلفل اسود والثوم





بعدها نضيف عليها الشبث ونوى الطماطه الي حفرناها




وبعدها نصفي الرز المنقوع من الماي ونضيف عليها الحشوه 
والملح والسماق وملح الليمون ومعجون الطماطه 






ونخبطهم سويه الى ان يصير شكلها اهيجي 
ونضيف عليه شويه ماي علمود يكون طري شويه مو ناشف




وبعدها نجيب جدر الدولمه ونفرش بيه ساق السلق بهالطريقه 




بعد مافرشنا ساق السلق نبدي نحشي باقي الخضروات 
ونبدأ بالبصل نحشيها ونلفها بهالطريقه





بعد مانكمل حشو البصل نحشي البيتنجان والشجر الي هي الكوسه:-)
والفلفل الاخضر ونقفلها بهالطريقه البسيطه




وبعدها نفرش فوقاها الباقله كلها





والخطوه الاخيره نحشي السلق وورق العنب
والطماطه ونفرشها بالجدر بهالطريقه 

وبعدها نطبخ مده تلث أرباع الساعه أو ساعه كامله 





ما تحلى الدولمه ألا بالخبز العراقي نفرشه جواه أهيجي ونقدمه





ملاحضه :مهمه أكو ناس يخلون جوه المكونات ضلوع لحم أو دجاج أحنه منحبه فمخليناها 
وبالعافيه عليكم Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الدولمه العراقيه بالصور
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
درابين العراق :: مطبخ حواء: طبخ - وصفات - اكلات - طريقة تحضير - معجنات - حلويات - تعليم الطبخ-
انتقل الى: